Ved nyttår 2020 skjer dei største endringane i kommunestrukturen sidan 1960-åra. 119 kommunar vil då vere slått saman til 47 nye, og talet på kommunar er gjennom kommunereforma redusert frå 428 til 356. Regjeringa ynskjer å halde fram arbeidet med å slå saman kommunar, men er då avhengig av at lokalpolitikarar og innbyggjarar viser større forståing for reformmåla enn dei gjorde i førre runde.
Korleis er føresetnadene for at talet på kommunar kan reduserast ytterlegare?
Vert samanslåing oppfatta som eit egna verkemiddel for å løyse kommunane sine utfordringar?
Vil erfaringane frå kommunar som slår seg saman vere gode, eller bidreg dei til å auke skepsisen til kommunereform?
Forskarar frå det NFR-finansierte Demos-programmet og forskingsinstitusjonen NORCE presenterer resultat frå ny forsking i kommunane og frå studiar av politiske og økonomiske disposisjonar i kommunar som er i ferd med å slå seg saman.