AVLYST - Ei risikabel vakt, natt- og åleinearbeid på bensinstasjonar

Nesten 10 000 personar jobbar på energistasjonar i Noreg. Ei særleg utfordring ved desse jobbane er at mange jobbar åleine på kveld og natt. Føremålet med dette møtet er å kaste lys over denne arbeidskvardagen.

Vi har samman med Tankesmien Agenda gjennomført ei spørjeundersøking blant HKs medlemer i energistasjonsoverenskomsten. Undersøkinga viser at mange jobbar åleine kveld og natt, og at mange er misnøgde med eige lønnsnivå. Mange svarer at dei generelt opplever tryggleik på jobb, men at dei er meir utrygge når dei er åleine.  

Vi har også gjennomført fem djubdeinterjvu med tillitsvalte i HK som organiserer tilsette ved bensinstasjonane. Desse fortel alle om å ha opplevd ei rekke veldig alvorlege situasjonar rundt tryggleik. Det kjem også fram ei rekke erfaringar med seksuell trakassering.

Dette har vi gjort som ein del av arbeidet vårt opp mot utvalet «styrkt vern mot nattarbeid» som regjeringa har sett ned. Utvalet legg fram rapporten sin i juni 2024. Vi inviterer utvalet til dette møtet for å ta diskusjonen om korleis vi kan gjere det tryggare å vere på jobb.